آخری خط -- The Last Letter

23-May-2020

1:15am

Dearest Matter of my Heart,

                                             I wish today, tonight I could have hugged you and tell you how much you mean to me. How much my little heart is filled with love for you. How much I look forward to seeing your face, and to be held by you at the airport. Above all, how ardent I am for you to become reality and drop the distance between us. 

Maybe, I am running how on emotions given what a painful and tragic day it was for both of us. Yet, the hardest for those who lost their loved ones in that fateful plane crash. You and I both are scheduled to travel sometime soon and that was the first thought that crossed my mind. 

During all the chaos, shown on the news, someone mentioned that the plane was just 1 minute away from the landing. Just one minute. Sixty seconds!

The world of those people and their families went upside down by one minute.

Life is so uncertain. So short. Uncontrollable and shocking. Slipping away from our hands without us paying attention.........and look at us! 

Wasting time, fighting for things which may mean nothing at the time of death or running after what is not meant for us. You and I often talk about our retirements. I want a life away in mountains, cooking from homegrown vegetables, baking fresh loaves of bread, spending my days in teaching children, and calling it a night after reading and writing to the content of my heart. 

You know, if all this comes true, my house will have a red color roof. 

I do not know our future or your intentions, but I know that everything can finish in one minute. Hence, I want to ask you, if everything goes well between us and if you wish, would you like to be with me when I turn 50 or 60 or even 70? Will you be willing to help me growing vegetables in the backyard? Would you like to read me your favorite poetry while we take a stroll? Will you watch with me the movies of my choice?

Would you like to be there?

Note: These are anonymous love letters shared with me to be published publicly. The sender was able to send the first four letters to her beloved but afterward, due to lockdown, it became impossible. Later, the writer of these letters chose to part her way. 

Continue Reading →

نواں خط -- Ninth Letter

19-May-2020

11:45pm

میرے ہمسر،میرے دلبرم،

                                ابھی تک تم کو میرا ایک بھی خط نہیں پہنچ سکا ہے. اب تو مجھے بھی یاد نہیں میں نے کیا لکھا تھا اور کیوں لکھا تھا. خیر میری یاداشت مسئلہ نہیں ہے، مسئلہ یہ ہے کہ جس کہ لئے لکھے ہان، وہ کب پڑھےگا.

آج بہت دنوں کے بعد خط لکھنے بیٹھی ہوں. میں وہ سب کہہ نہیں پاتی جو دن بھر سوچتی ہوں سو لکھنے میں ہی عافیت ہے.

کبھی کبھی لگتا ہے اپنا آپ، اپنی محبّت بیان کرنا بلکل بھی آسان نہیں ہے. کاش، یہ کام میرا دل یا میری آنکھیں کر دیتیں. یقین نہیں آتا، بالاخر تم نے مجھے دیکھ ہی لیا باتیں کرتے، چٹر پٹر...... ایسی کوئی بچوں والی خوشی ہو رہی ہے جیسے کلاس میں فرسٹ آگئی ہوں!

جانتے ہو، مجھے لگتا تھا کہ  مجھے پھر سے عشق والی محبّت نہیں ہو سکتی تھی.  پھر خدا نے کہا پکچر ابھی باقی ہے دوست!

ویسے دیکھا جائے تو تم میں کچھ خاص نہیں اور نہ ہی مختلف لیکن پھر بھی تمہاری بنیادی شخصیت میں وہ سب کچھ ہے جو ایک ساتھ چلنے والے میں ہونا چاہئے. سب سے اچھی بات، تم سننا، سمجھنا، اور سیکھنا چاہتے ہو. مجھے چاہتے ضرور ہو لیکن ساتھ میں میری ذات کے دائرے بھی گھومنا چاہتے ہو. یا شاید یہ سب میرا وہم ہو.

اس روز، جب میں تم سے الگ ہونے کا سوچا تو وہ میرا خوف تھا. مجھے کسی سے امیدیں لگانا پسند نہیں اور ایسا ہونے لگے تو میں دو چھوڑ چار قدم پیچھے چلی جاتی ہوں. مجھے یہ امید، اظہار، پیار اپنے اندر نہیں پالنا. میں وہ انسان ہوں جو ایک بار محبّت کے کعبے میں داخل ہوگئی تو طواف کرتے کرتے خود کی نفی کردے گی......لیکن جس روز دائرہ ختم، اس دن کیا ہوگا؟

تم مجھے دائرے میں تو لے آئے ہو لیکن میری ذات کی نفی نہیں ہونے دیتے. تم مجھے، مجھ سے آگاہ کر رہے ہو. میں نے ان پانچ دنوں میں یہ سیکھا کہ مجھے تم سے عشق والی محبّت ہے لیکن پاگل پن نہیں ہے. شاید اس لئے کہ تم کبھی کچھ نہ کہتے ہو، نہ مانگتے ہو. میں جیسی ہوں تمہاری ہوں.

تم بہت عجیب ہو لیکن اتنے قریب ہو کہ اب کچھ ہو نہیں سکتا!

میں دل کی غلام ہوں، اور میرا دل محبّت کی مریدی میں ہے. تم جبکہ دماغ کی بساط پہ چلتے ہو. شاید یہی وجہ تھی، اس دن تم نے مجھے روکا نہیں کیوںکہ دماغ نے کہا ہوگا دل کو وقت دو.....تھوڑا رک کر دیکھو..........اور تم رک گئے لیکن روکا نہیں!

میں وعدہ نہیں کرتی کے ہمیشہ کے لئے ہوں کیوںکہ اس کا دار و مدار تم پر ہے. بس یہ امید کرتی ہوں کہ ہمارے بیچ کبھی اتنا تکلیف دہ احساس اور فاصلہ نہ آئے.

                                                                  تمہاری،

                                                                        جھانسی کی رانی!

Note: These are anonymous love letters shared with me to be published publicly. The sender was able to send the first four letters to her beloved but afterward, due to lockdown, it became impossible. Later, the writer of these letters chose to part her way. 

Continue Reading →

آٹھواں خط -- Eighth Letter

02-Apr-2020
12:45am 


Dear Not-So-Phantom,
                                    Thank you for suggesting that film. It was indeed, worth watching more than once. I can't believe, I missed it. Gotta be my crazy life, for sure. 

Alma was not in love. She was more of territorial, I believe. She wanted to own Woodcock without his own free will. What love is love, if it has no free will for the lover. When in love, you let the love be.

Anyway, it was a beautiful movie with a bitter script.

The days when I feel distant from you, are the days when I am certainly lost. So lost that I could not even decide if my tea tasted good enough. The distance had nothing to do with you, or us. There are times in my life when I lose my balance without a reason. I lose my sleep, my sanity, my focus, and everything. I never understood why but I know in those something bad was happening, or about to happen. Just something that I did not know in time.

This time, I learnt that I detest the distance between us.
The distance where I could not bring myself to kiss you before goodnight. I absolutely hated myself for this. Although, I know that you slept like a baby with or without my kiss.

It is just my own way to be there, even when we are thousands of mile apart!

I love the silence of the nights but they are equally scary to me. There is no daylight to put everything out for the naked eye. I am writing this letter from the small garden that we have at my place, while everyone else has fallen asleep.

This whole lockdown has given my city a feeling of graveyard like. No horns, no street lights, no cars, no random neighborhood noise, nothing. Just pin drop silence. 
All this makes my nights far more dreadful than I ever imagined. I wish you were here so I could feel the warmth of life next to me. 

The whole world is going through horrible times but I have someone so dear to hold on to.
My hope to meet you someday, somewhere makes me see the light at the end of the tunnel. At the back of my mind, I have my fears peeking through but for now, I want to bask in this hope. 

            Tumhari,
                        Munatzir!

Note: These are anonymous love letters shared with me to be published publicly. The sender was able to send the first four letters to her beloved but afterward, due to lockdown, it became impossible. Later, the writer of these letters chose to part her way. 

Continue Reading →

ساتواں خط -- Seventh Letter

28-Mar-2020
1:15am

ستلج کے منافقاں،

                    چناب کے عاشقاں بن جاؤ!

جانتے ہو جب تم صرف اپنی باتیں کرتے ہو تب دل کرتا ہے اڑ کر تم تک پہنچ جاؤں. بس پھر تمھیں سنتی رہوں اور تم پر نقش گندھتی رہوں.

لوگوں کو دن یا ہفتے گننے ہوتے ہیں لیکن ہمیں اپنی پہلی ملاقات کے لئے مہینوں یا شاید سال کا انتظار کرنا پڑے.تمھیں ایسا کیوں لگتا ہے کہ تم مجھے اچھے نہیں لگو گے؟ آج تک جو اچھے بلکہ بہت اچھے لگے ہو، وہ دیکھ کر تو نہیں لگے. 26 فروری کو میں نے کہا تھا میں تمھیں خط لکھ ہی نہ دوں........اور آج دیکھو یہ میرا تم کو ساتواں خط ہے. 

کہہ نہیں سکتی محبّت ہوگئی ہے لیکن کچھ اس سے ملتا جلتا ہے. میں جب رات کے آخری پہر میں باہرجا کر رات کا سناٹا سنتی ہوں، اور ٹھنڈی ہوا میں کھڑے ہو کر تم کو سوچتی ہوں تب لگتا ہے تم نے اپنی شال میرے کاندھے پی رکھ دی ہو. 

کبھی مسجد میں فجر سنی ہے؟

تم اس وقت کے سناٹے کا سکون ہو!

عجیب کشش ہے تمہاری طبیعت میں. ایک ہی وقت میں خود سے اتنے مطمئن ہوتے ہو اور دوسرے ہی لمحے انجان کا خوف ہوتا ہے. سوچتی ہوں، تمھیں مجھ میں کیا اچھا لگا؟ تم میں بلا کا ٹھہراؤ ہے، جنگل جیسی گہری خاموشی ہے تمہارے لہجے میں.

ایک میں ہوں، شور مچاتی بارش سی.

رات کے دو بج رہے ہیں اور میں مدھم روشنی میں لکھ رہی ہوں ورنہ کوئی جاگ نہ جاۓ اور پوچھے کیوں جاگ رہی ہو؟ کیا کہوں گی .....یہ کہ میری نیند ساڑھے چار ہزار کلومیٹر سو گئی ہے؟

کسے معلوم تھا میرے دل میں ابھی بھی عشق کی رمق باقی ہے. زندگی کی طرف لوٹنے کا راستہ مل گیا ہے. راستے میں رک کر تمہارے ساتھ سردی کی دھوپ میں بیٹھنا ہے. تم سے باتیں کرنی ہے. بارش میں بھیگنا ہے. پہاڑ چڑھ کر دور کہیں برف دیکھنی ہے. تمہاری جھوٹی چائے پینی ہے. بابا فرید کے مزار پہ تمہارا دیدار کرنا ہے...........ایک بار کرنا ہے بس یہ سب!

کم از کم ایک بار تاکہ مرتے وقت کہہ سکوں، زندگی اتنی بھی رائیگاں نہیں گزری.

          تم سے دور،

             تمہارے پاس،

                         تمہاری.

Note: These are anonymous love letters shared with me to be published publicly. The sender was able to send the first four letters to her beloved but afterward, due to lockdown, it became impossible. Later, the writer of these letters chose to part her way. 

Continue Reading →

چھٹا خط -- Sixth Letter

24-Mar-2020

1:00 am

اے دلنشیں خواب،

                         اگر تم خواب نہیں تو پھر کیا ہو؟ روز یہی سوچ کر سوتی ہوں کہ اٹھوں گی تو سب ختم ہو چکا ہوگا.....جیسے کوئی اچھا خواب. جیسے تم.

کیا معلوم کل دنیا کہاں ہوگی. ہم تم کہاں ہوں گے!

نومبر تک حالات کی کوئی خبر نہیں. سچ تو یہ ہے کہ مجھے مارچ بھی بھاری لگ رہا ہے. نہ جانے کیوں وقت نے اپنے پر کاٹ دئیے ہیں. میں دعا کروں گی، ہم اچھے وقتوں میں ملیں. تمھیں کوئی خط پڑھ کر سناؤں، یا کوئی غزل گاؤں. اگر تمھیں کبھی مجھے یونہی خوش کرنا ہو تو کیا کرو گے؟

میرا ماننا ہے خدا زندگی میں ہر انسان سے کوئی نہ کوئی کہانی جوڑ رکھتا ہے. کوئی ہمیں محبّت کا درس دیتا ہے، تو کوئی ہمیں لڑنا سکھا  دیتا ہے. تم معلوم نہیں کیا مقصد لے کر آئے ہو. شاید یہ بتانے کہ میرا دل ابھی بھی دھڑکتا ہے، گال سرخ ہوجاتے ہیں جب تم میرے چاؤ اٹھاتے ہو.

تم جو بھی ہو، بہت اچھے ہو!

الله جانے یہ خطوط تمھیں کب ملیں گے. میں نے سوچ لیا ہے، میں لکھتی رہوں گی اور تمہارے لئے جمع کرتی جاؤں گی. ایک ساتھ بہت سارے خط پڑھ لینا. 

ٹھیک ؟

لوگوں کو کھونے کا خوف ہوتا ہے. مجھے تمھیں پانے کا خوف ہے. تم سمندر کی مانند ہو. تم اپنی جگہ سے نہیں ہلو گے لیکن میں جھیل، بلکہ دریا جیسی ہوں. آہستہ آہستہ تمہاری طرف بڑھ رہی ہوں اور پھر ایک دن تم میں شامل ہوجاؤں گی. 

سمندر کو شاید کوئی فرق نہ پڑے لیکن دریا گم جاۓ گا.

سنو، مجھے کبھی لال پھول مت دینا. گلابی، سفید، یا پھر کوئی بھی اور کھلتا رنگ. پوچھو کیوں؟ کیوںکہ جب ہم دونوں روایتی نہیں تو پھول کیوں ہو.

مجھے یہ خط یہیں ختم کرنا ہوگا. 

ایک دن تمہارے چہرے پہ اپنی انگلیوں سے تمہارا ہی چہرہ تراشوں گی.

                                                   تب تک اور جب تک تم چاہو،

                                                                                       تمہاری.

   

Note: These are anonymous love letters shared with me to be published publicly. The sender was able to send the first four letters to her beloved but afterward, due to lockdown, it became impossible. Later, the writer of these letters chose to part her way. 

Continue Reading →

پانچواں خط -- Fifth Letter

17-Mar-2020

11:30pm

جان من،

            کیسے ہو؟ کبھی کبھی دل تم سے اتنا مطمئن ہوتا ہے کہ تم جان ہی ہو اور کبھی اتنا خالی جیسے تم ایک خواب ہو اور میں جاگ رہی ہوں. ویسے تو میں تمھیں خط لکھنے تب ہی بیٹھتی ہوں جب دنیا کے جھمیلے ختم ہو چکے ہوتے ہیں. آج لیکن زیادہ جھمیلے تھے، پھر بھی ضروری ہے.

تم ہر دو دن بعد مجھے یہ کیوں جتاتے ہو کہ تم نے کبھی شادی نہیں کرنی ہے. مجھے بھی گھونگھٹ کاڑھنے کا شوق نہیں ہے. وہ الگ بات ہے اگر تم سے دل ملنے لگے. میں نے اپنی زندگی کے سارے خواب ایک عشق میں دیکھ لئے تھے اورپھر ان ہی خوابوں کو سمیٹ کر دفنا دیا.................اور آپ جناب کو لگتا ہے میں آپ کے ساتھ آپ کی اجازت کے بغیر خواب دیکھوں گی؟ 

ہمارا رشتہ تو ویسے بھی ابھی بھرم، وہم، اور فریب جیسا ہے. فاصلہ ہی اتنا ہے!

میں بہت مختلف تو نہیں لیکن میرے خدا نے مجھے اکیلے جینے کا ہنر سکھا دیا ہے. تم اکثر جب اپنی انسیت کا اظہار کرتے ہو تو دل کہتا ہے یقین کرلو لیکن دماغ کا حساب کتاب ختم نہیں ہوتا ہے.

میرے تمہارے، ہمارے بہت  چھوٹے چھوٹے خواب ہیں. 

تمھیں سردی کی دھوپ میں، میری گود چاہئے اور مجھے ستاروں کے سائے میں تمہارا شانہ............ساتھ ساتھ چلتے ہیں، جہاں تک ہو.....ورنہ تو ہم دونوں اپنے فیصلوں میں آزاد ہیں.

                                   تمہاری،

                                          جب تک تم چاہو! 

Note: These are anonymous love letters shared with me to be published publicly. The sender was able to send the first four letters to her beloved but afterward, due to lockdown, it became impossible. Later, the writer of these letters chose to part her way. 

Continue Reading →

The Burden of a Heartbreak

I was 8 or 9 years old when my mother's best friend was visiting us from a different city. Since she was visiting us after some time, my mother decided to give them gifts before they leave which included my new, untouched dress to her friend’s daughter.

It is obvious that my mother managed to source me another new dress the very next day, but it couldn’t make me as happy as expected. This memory is so vivid as if happened yesterday.

You know, why?

Because this was the first time I experienced a heartbreak through a loss of something I loved.

I was unable to enjoy my new dress despite as a child, I loved new clothes.

A heartbreak disables the senses to feel the fullness of emotion. Any emotion. Be it your happiness, sadness, or even anger. Your body refuses to experience the momentary pinnacle of that feeling, leaving you indifferent towards the severity of that event.

When my mother pestered me to let her give away that dress, I remember crying and putting up a fight because I had energy in me.  

Standing today, in front of the mirror, in my mid-30s, if you ask me, I possess the same energy to fight back after a heartbreak. My answer will be a straight no!

We all have heard that life is not a bed of roses, but that’s a half-cooked piece of information. They forgot to tell us the type of thorns we will have to face and how long they going to hurt. Finding all of this on our own can not only be exhausting but leave some of us with emptiness. In my case, it is numbness.

Some of us start fighting our battles from early childhood such as taking the burden of handling younger siblings or competing with our cousins to secure better marks in our studies. Many of us went through organized bullying at school for our looks or with our extended families for different socio-economic reasons.

All in all, these are the fights that we start fighting internally while externally we find coping mechanisms. It can be in the shape of a company of friends, getting lost in books, or just picking a useless fight with everyone at home. This mechanism does not last very long because it does not heal us.

We lose a little bit of us as we grow up and start getting drained. It is not necessary that every time we must give back to the world, to the people around us. This is something we all need to learn early in life that giving away too many emotions can leave you empty and callous.

This whole process includes several heartbreaks, but we were young. We picked up our pieces and became whole again. But not for very long!

Over the years, our emotional well being gets compromised on our way to be a little more loved. Instead, most of us got a little more hurt. As much as hope and love is what keeps the world going, we cannot deny the strength we invest to keep it going.

Every time I have loved and lost, I realized how stronger my heart became. So strong that now it is indifferent to the pain of loss. Life has made us struggled and fought so much already that moving forward, I want one less battle to fight.

We owe this to our broken heart and tired soul!

#Banosaazi

Continue Reading →

تصویر سے باتیں

میں نے جب اس کو پہلی بار دیکھا تویوں لگا دو آنکھیں چیرتی ہوئی بس مجھے تک رہی ہیں. اتنی تکتی آنکھیں تھیں کہ میں من ہی من مسکرا دیتی تھی. 

اس کے پس منظر میں پرانے لاہور کی دیوار کی جھلک تھی. وہی لاہور جس سے مجھے کچھ طبعی سا لگاؤ ہے، جس کی لال اینٹوں میں سرمئی شاموں کا عشق اوراور چاندنی راتوں کا لمس دفن ہے. مجھے لگا میرا دل ان آنکھوں میں نہیں، لاہور میں اٹکا ہے.

غلط فہمی تھی!

دل پس منظر میں نہیں، منظر میں اٹک گیا تھا.


#بانوسازی 

Continue Reading →

بےخوابی

ایک بار پھر نیند  سے میری ناراضگی ہوگئی ہے. کتنے دن اور کتنی راتیں گزر جاتی ہیں اور میں خود کو خلا میں محسوس کرتی ہوں. ایسی خلا جس میں نیند نام کا سیارہ نہیں ہے. 

قصور نیند کا بھی نہیں ہے. اس بیچاری کو تمہاری بانہوں میں اترنے کی عادت تھی، صرف اس سینے پر سر جھکا کر آنکھیں موندنے کی اجازت تھی. اب احساس تو ہے مگر وجود نہیں تو ہم دونوں اکثر لڑتے ہیں. کبھی نیند تھک کر میرے پاس سوجاتی ہے یا پھر اڑ کر تمہارے سرہانے رکھے ٹیبل لیمپ پر جا بیٹھتی ہے. 

مجھے یقین ہے، میری نیند دبے قدموں سے تمہارے پاس آتی ہے اور تمہارے گال سے لگی داڑھی سہلا کر تمھیں جگا دیتی ہے بلکل ویسے جیسے پچھلی زندگی میں ایک رات، میں چوروں کی طرح  تمہارے پاس آئ تھی اور خود کو لٹا کر صبح کا سورج دیکھا تھا. اگلی زندگی کے اندھیرے اس اجالے میں مجھے دکھائی ہی نہ دئیے.

میں نے نیند سے کہہ رکھا ہے، تمھارے گھر کا طواف کرلیا کرے، میرے لمس کو زندہ کردیا کرے. اس دروازے پر پھر سے ہاتھ رکھ دے جو تمھارے دفتر سے واپس آنے پر کھلتا تھا اور ساتھ ہی میری مسکراہٹ بھی کھلتی تھی. صبح کی چائے سے نکلتی بھاپ پر میری شکل بنا چھوڑے جو بس تم دیکھو. میری خوشیوں کا سورج تمہاری سفید شرٹ پر چمکا دے. اس آئینے کو چوم لے جس میں تم مجھے دیکھا کرتے تھے. تمھارے چھوڑے میٹھے کی پلیٹ کو جھوٹا کردے جیسے میں کرتی تھی تمھارے حصّے کا چھین کر.

سب سے آخر میں بستر کی سلوٹ پر میری حرارت بچھا دے تاکہ تمہاری بےچینیاں ان میں دفن ہوجائیں. 

میری فکر مت کرنا. میری نیند نے تمھارے لکھے خطوں کو سینے سے لگا لیا ہے. تم نہ سہی، تمہاری انگلیوں سے نکلی روشنائی سہی !

#بانوسازی 

١٥ جنوری 

رات ٣ بج کر ٢ منٹ 

Continue Reading →

Baat say Baat - V

تم: "تمہاری آنکھوں کے گرد حلقے پڑ رہے ہیں."

میں: "ہاں محبّت نام کے دئیے جلائے تھے. ان کے بجھ جانے کے نشان ہیں."

#بانوسازی 

Continue Reading →

دل برباد سے نکلا نہیں اب تک کوئی

سردیوں کی شام ویسے بھی مہرکو بےحد پسند تھی. ایسی ہی سردی کی کوئی شام تھی جب "اس" کی  ماں نے مہر کے نام پر سرد مہری دکھائی تھی اور وہ چنگاریوں کو راکھ میں تبدیل کر کے وہاں سے اٹھ گیا تھا.

خشک، سرد ہوا جب مہر کے چہرے کو چھوتیں تو اسکو یقین ہوجاتا کہ وجود میں تو گرمی باقی ہے لیکن احساس ٹھنڈے پڑ چکے ہیں. سرمئی شام آہستہ آہستہ تمام روشنی کو اپنی لپیٹ میں لئے رات کی طرف بڑھ رہی تھی اورمہر یادوں کے غار میں جہاں سے واپسی کا راستہ وہ ہمیشہ بھول جاتی تھی. 

برابر میں بیٹھی سادیہ نے پھیکی سی مسکراہٹ سے اسکی طرف دیکھا اورسمجھ گئی مہرکو راستہ دکھانے کا وقت آگیا ہے. سادیہ نے آواز اونچی کر کے اس کا دھیان اپنی طرف کیا اور کہا،

 "میرا خیال ہے میں اس کو بھول چکی ہوں."

مہر نے طنزیہ قہقہہ لگایا اور کہا، "بھول چکی ہوتی تو یوں یاد نہ ہوتا"

"کیا مطلب؟"

"محبّت ایک دائرہ ہے. تم دائرے سے کبھی نہیں نکل سکتی بس دوسرے سرے پر آکر اس مغالطے میں مت رہو کہ بھول گئی ہو."

"ہو سکتا ہو میں نے دائرہ توڑ  دیا ہو؟"

"محبّت نامکمّل ہو تو پہلے درد دیتی ہے، پھر صبر بن کر ذات بن جاتی ہے. وہ دائرہ تمہاری ذات ہے جس کے ساتھ رہنا سیکھ لیتے ہیں."

"پھر تم صبرکیوں نہیں کرلیتی مہر؟"

"میرا درد جو ختم نہیں ہوتا."

بانوسازی

دسمبر ٢٨، ٢٠١٦

رات ١:١٥

Continue Reading →

جلن

تم میں ایسا کچھ بھی نہیں جو اُس کو عام ذندگی میں پسند ہو. پھر بھی تم اُس کی سب سے خاص پسند ہو.

دِل و جان سے پسند ہو!

تمہاری طبیعت اُس کے مُخالِف ہے پھر بھی وہ صرف تمہاری سِمت ہی دوڑتا ہے.

سارے رشتے پار لگا کر تمہارے لئے رُکتا ہے.

مجھ میں ویسا کچھ بھی نہیں جو تُم میں ہے. نہ وہ کھلکھلاہٹ، نہ وہ کَھنَک، نہ مَچلتی دِل لگی، نہ وہ شوخ بے باکی، نہ وہ چمکتی نظر، نہ ہی زمانے کی سمجھ.

پھر بھی اُس کی سانس لمحے کو رک سی جاتی ہے. میری گَردن کے خَم پر مُڑ جاتی ہے!

بانوسازی

مئی ۲۰، ۲۰۱۶

رات ۱۱: ۱۰

Continue Reading →

صفائی -- Safa'yi

اس نے چونک کر آنکھیں کھولی اور اپنے سرہانے پر رکھی ہوئی گھڑی دیکھی تو یہی کوئی رات کہ ساڑھے تین بج رہے تھے. یوں لگا جیسے نیند کو اچانک سے کوئی کام یاد آگیا ہو اوروہ اسے اکیلا چھوڑکر چلی گئی ہو.

ایسا نہیں کہ یہ پہلی بار ہوا تھا لیکن اب اکثر ہونے لگا تھا وہ یونہی آنکھیں کھول کر ادھر ادھر تکتی جیسے دن چڑھا ہوا ہو اور اسے کوئی کام نہ مل رہا ہو کرنے کو.

کھڑکی سے جو روشنی چھن چھن کر اندر آرہی تھے، اس میں غور سے آس پاس دیکھا تو اس کو اپنی بکھری ہوئی سوچیں نظر آیئں. 

خود پر پڑی چادر کو سرکا کر پرے کرتی ہے اور دھیان سے پیر نیچے رکھتی ہے، کیا معلوم کوئی سوچ نیچے آ کر دب نہ جائے. اس نے اب تک  کتنی ہی سوچوں کو سمجھنے سے پہلے ہی دبا ڈالا تھا بنا جانے ہوئے کہ یہ دبی ہوئی سوچیں کرچیاں بن جاتی ہیں اور انسان کہ دماغ کی شریانوں کو پھاڑ دینے کی صلاحیت رکھتی ہیں.

وہ دل ہی دل میں سوچتی ہے کہ عجیب بات ہے یہ جو ڈھیر ساری سوچیں بکھری پڑی ہیں اسکو دن میں کیوں نہیں نظر آتیں؟ وہ تو ہر شہ قرینے سے سجا کر رکھنے کی عادی ہے. جو شہ جہاں رکھ دی جاتی ہے وہیں سے ملتی ہے اور یہ سوچیں دیکھو............عجیب الجھی الجھی پڑی ہیں ہر کونے میں.

اسکے گھر میں تو کبھی مٹی کے جالے نہیں لگے تو یہ سوچیں کیسے جگہ جگہ پھیلی ہوئی ہیں؟

سلجھے ہوئے مکان میں اتنی الجھنیں؟

اس نے سوچا چلو جب تک نیند اپنے کام نپٹا کر آتی ہے میں بھی تھوڑی صفائی کرلوں.

وہ برآمدے میں کھلنے والی کھڑکی کی طرف بڑھی، وہاں کونے میں ایک سوچ سمٹی ہوئی تھی جیسے کسی کا خوف ہو. یہ اس کے بچپن سے وابستہ تھی  جب اسکو زیادہ بولنے کی اجازت نہیں تھی کیوںکہ "لڑکیاں زیادہ نہیں بولتی". 

یہ وہ سوچ تھی جس نے ڈر کے مارے خود کو گونگا کرلیا تھا.

ذرا آگے بڑھی تو کتابوں پر اسکی جوانی کی سوچوں کا اجتماع تھا جنہوں نے اسے بغاوت کا مطلب سمجھایا تھا. کئی بار اس نے جب ان سوچوں کو الفاظ دینے کی کوشش کی تو یہی  سننے کو ملا، "جب بولنا الٹا ہی بولنا". جس کو زمانے نے الٹا جانا وہ تو بس منطق کی تلاش تھی.

 اسی تلاش میں اس نے کتنی ہی سوچوں کو اپنے ذھن کے میدان میں کھلا چھوڑ دیا تھا.

کسی  تھکے ہارے مزدور کی طرح اس کے شانے اور نظریں نیچے جھک گئی اور وہ کمرے میں رکھے ہوئے صوفہ پر جا کر بیٹھ گئی. اب جو چاروں طرف نظریں دوڑآیں  تو ہر کونے کھدرے میں سوچوں کا انبار نظر آیا. 

اسکی پلکیں بھاری ہونے لگیں تو وہیں دراز ہوگئی اور خود کو یہ کہہ کر تسّلی دے دی، یہ "صفائی" پھر کبھی سہی! 

بانو سازی 

اپریل ١١، ٢٠١٦

رات ١١:٢٩

Continue Reading →

تمہاری تہذیب

"مجھے یہ فائلز بھیج دینا اور ہاں ان تمام سوالوں پر بھی کام کرلینا جو آج پوچھے گئے ہیں. میں اگلے دو تین دن تک شاید موجود نہ ہوں."

یہ تمام ہدایات تہذیب نے اپنی ٹیم کو دیں اور اپنا فون اٹھا کر دیکھنے لگی. اسی دوران میں اسکا فون بج اٹھا اور وہی کال تھی جسکا اسکو انتظار تھا. تہذیب اپنی جگہ سے اٹھی ، ٹیم کو باہر جانے کا اشارہ کیا اور خود آکر کھڑکی پر کھڑی ہو گئی. 

فون کی دوسری جانب اسکا بھائی تھا.

بارہ گھنٹے یا شاید اس سے کچھ کم ہی وقت گزرا ہوگا جب تہذیب کو خبر کی گئی تھی کہ "وہ" نہیں رہا.

تب سے لے کر اب تک جانے تہذیب کیسے رہ گئی تھی؟ یہ سوال اس نے خود سے پوچھا لیکن کوئی جواب نہیں آیا کیوں کہ وہ یقین اور بے یقینی کے بیچ اپنے قدم جما رہی تھی. اس خبر کے ساتھ پیغام بھی تھا کہ ممکن ہو تو پہنچ جائیے، ہمارے پاس آپ کو دینے کے لئے کچھ سامان بھی موجود بھی ہے. 

ہمیشہ کی طرح آج اس نے فون اٹھا کر بھی کو سلام نہیں کیا بلکے سیدھا سوال.

"ٹکٹ ہوگئی ؟"

"ہاں! لیکن وہ....."

"کیا؟"

"تم اکیلے ؟"

"مجھے کمزور سمجھتے ہو؟"

"نہیں تو. لیکن شاید کوئی ساتھ چلے تو بہتر ہوگا"

"اس نے اکیلے مرنے کی ہمّت کرلی تھی تو اب میں بھی جینے کی ہمّت کرلوں گی."

"تمہارا جانا ضروری نہیں."

"بہت ضروری ہے. دفنانا جو ہے........اس کو اور خود کو اس کے ساتھ!"

لائن کٹ گئی.

کھڑکی سے باہر دن کا سورج ڈھل رہا تھا لیکن اس کے درد کا چاند چڑھ چکا تھا.

بانو سازی 

جنوری ١٦، ٢٠١٦

رات ٢:٣٤

Continue Reading →

روشن کاغذ -- Roshan Kaghaz

پرانے وقتوں میں لوگ خط وغیرہ  سنبھال کر رکھتے تھے. کبھی صندوقوں میں تو کبھی تکیے کے اندر، کتابوں کے بیچ یا پھر تہہ لگے کپڑوں کے درمیان سینت سینت کر.

 ایسی تحریروں کا گمنامی میں رہنا ہی ان کے مالکان کے لئے عافیت تھا. ہر کاغذ ہر کسی کے لئے نہیں ہوتا. کچھ کاغذات کے جملہ حقوق محفوظ ہوتے ہیں. یہ وہ الفاظ ہوتے ہیں جو اکیلے میں پڑھو تو بنا بات رلا دیں یا بے وجہ ہنسا دیں.

 صرف جائیدادیں نسل در نسل نہیں ہوتی، یہ خطوط بھی ہوتے ہیں. خطوط جن کی ملکیت میں حوالے کر دئے جاتے ہیں وہ یا تو سمجھتے نہیں ہیں یا سمجھ کر ضایع کرنا ہی بہتر سمجھتے ہیں.

میرے پاس بھی ہماری ایسی کچھ تحریریں ہیں !

ہزاروں، سینکڑوں تو نہیں لیکن اتنی ہیں جنہیں کوئی انگلیوں پر نہیں گن سکتا.  

خیر گنّنا کیسا؟ کوئی کمائی تھوڑی نا ہے.

بس کاغذ پر روشن وقت ہے.

آٹھ سال کا وقت!

 کچھ  خط جو میرے ذھن میں ہی لکھے رہ گئے اور کچھ جو تم تک پہنچ گئے. اکیسویں صدی کہ لوگ ہیں ہم تو ہمارے الفاظ بھی جدید کاغذوں پر محفوظ ہیں.

 عرصہ ہوا تھا قلم اٹھا کر کاغذ کو روشن کئے مگر یاد ہے نا ایک لکھا تھا تم کو چند سال پہلے؟

شاید نہ یاد ہو.

میں یاد نہیں تو میرا خط کیسے؟

یہ الفاظ بھی نا ....... وقت پرتو دھوکہ دے جاتے ہیں اور وقت گزرنے کے بعد اس دھوکے کی سزا کاٹتے ہیں. میں، تم، اور وقت تو گزر گئے یہ لیکن وہیں کے وہیں ثبت ہو کر رہ گئے. انہیں ابھی بھی شبہہ سا ہے یا تم پلٹو گے یا وقت.

لیکن یہ کیسے ممکن ہو کیوںکہ کچھ تحریروں کو صرف پڑھنا تھا، ان پر ایمان نہیں لانا تھا.

کتنی بار سوچا یہ سارے خطوط اور انکی نشانیاں مٹا دوں. عجیب بے جان سا بوجھ ہے لیکن ہر بار کوئی اچھی یاد سوچ کر بہانہ بنا کر رکھ لیا کہ یوں مسکرانے کی کوئی وجہ تو باقی ہے.

میں اکثر وہ خطوط کھول کر پڑھنے لگتی ہوں اور اس وقت سے گزرتی ہوں. آج بھی ایک خط کھول لیا اور بےدھیانی میں تمہارےبنے خواب پڑھنے لگی.

اب کئی روز تک نیند ان کاغذوں میں جاگتی رہے گی.

بانو سازی 

نومبر ١٧، ٢٠١٥

رات ١٢:٤٣

Continue Reading →

"تم"

"کتنے ہی کاغذ سیاہ کردوں، ہر لفظ تم پر لکھ دوں، کہانیاں کہہ دوں، لیکن تمہاری حقیقت سے محروم رہے گی یہ زندگی......افسانوی زندگی" #بانوسازی

Continue Reading →

انارکلی

"انارکلی" سے میرا پہلا تعارف کچھ ایسے ہوا کہ میری اماں جی کی دو ہی پسندیدہ فلمیں ہیں، اک پاکیزہ اور دوسری مغل اعظم. اب چونکہ بچپن سے لے کر لڑکپن کے کافی حصّے تک میں نے بچکانہ فلمیں ہی دیکھی اس لئے بات کافی عرصے تک تعارف سے آگے نہ بڑھی. 

یوں میں نے کئ سال بنا جانے گزار دیے کہ یہ انارکلی کس کے دل کی کلی تھی اور کھلی بھی تھی یا بن کھلے مرجھا گی تھی .

پھر ایک دن میں اپنے نانا کے گھر پر کتابیں چھان رہی تھی جب ان کے شیلف سے  امتیاز علی تاج کا ڈرامہ "انارکلی" میرے ہاتھ لگ گیا. تب میری عمر تیرہ سال تھی لیکن اردو کا شغف کچھ گھٹی میں ہے سو اپنی بہن کے ساتھ جامن توڑنے کے بجائے میں کتاب لے کر بیٹھ گئی  اور پورا ڈرامہ ایسے پڑھ ڈالا جیسے اگلے دن سکول میں امتحان ہو. 

ہم جس انارکلی کو جانتے ہیں وہ اصل تھی یا تخیل یہ تو شاید میں آپ نہ جان پایئں لیکن اتنا ضرور ہے کے زمانہ کوئی بھی ہو، عشق پر پہرے سدا رہے اور رہیں گے. 

مجھے انارکلی کا خیال کیوںکر آیا؟

جب ایک اتوار صبح ٩ بجے، سلمان رشید، پاکستان کے مشہور سفری نامہ نگار، اپنے ساتھ انارکلی بازار ناشتے کے لئے لے گئے. مقصد تو آٹے کی پوریاں کھانا تھا لیکن سلمان کے ہوتے ہوئے تاریخ پر گفتگو نہ ہو، ناممکن.

میں نے ہمیشہ ہی لاہور کے بارے میں ایک بات کہی ہے کہ "لاہور کا حسن اس کی لال اینٹوں میں ہے." ایک دوست نے کہا اگر یہ اینٹیں کسی اور شہر میں رکھ دیں تو؟ میں نے جواب دیا، وہ بات نہیں کیوںکہ ہر شہر کی اپنی داستان ہے." 

اس روز بھی جب ہم  ناشتہ کر کے اٹھے تو سلمان نے کہا آؤ کچھ پرانا حصّہ دکھاتا ہوں اور تب ہم اس محرابی دروازے کی طرف بڑھے. 

Photo Courtesy: Bano Bee
 Location: Anarkali Bazar, Lahore

یہ داخلی محراب شاید ایک صدی یا اس سے بھی پرانا  ہو لیکن اس کی ہر اینٹ سورج کی تازہ روشنی میں آپ کو نئی پرانی ہر کہانی سناۓ گی. 

کتنی ہی انارکلیاں اپنے سلیم سے اس روشن اندھیرے میں ملی ہونگی جہاں ان پر زمانے کی نظر کچھ دیر سے پڑے گی. چوڑیوں کی کھنک دھیمی پڑ گئی ہوگی، آنچل سر سے سرکے ہونگے، لفظوں کی جگہ پلکوں کے اشارے سے جذبات بیان ہوئے ہونگے. 
اس راہ گزر نے کئی خط گرتے دیکھے ہونگے اور انکو اٹھانے والوں کی گواہ بھی یہی دیواریں ہونگی. ہاتھوں کو تھامتے اور ساتھ ہی ان کو الگ ہوتے دیکھا ہوگا. پائل سی کھنکتی ہنسی اور گالوں سے گرتے ہوئے خاموش آنسو بھی اسی دیوار نے پی لئے تھے. 

داستانیں سناتی یہ دیواریں، رکے ہوئے  راستے، بھٹی سے نکلی اینٹیں، مجھے بتاتی ہیں کہ اکبر نے تو بس ایک انارکلی کو ہم میں چنوایا تھا........ لیکن ہم تو زمانے سے کتنی انارکلیوں کو خود میں چنواتےآۓ  ہیں. 




بانو سازی 
٢٠ اپریل، ٢٠١٥
رات ١٢:٢٠

     

Continue Reading →

جنگ و جدل اور تم

جلتے ہوئے شہر، مرتے ہوئے لوگ اور تمہاری آمد!

یوں لگا جیسے اچانک سے دنیا نے خود کو روکا اور ہر چیز کو اپنی جگہ پر کردیا ہو. فرشتوں نے ذرا فرصت نکالی اور صفائی کی جھاڑو پھیر دی ہو. سننے میں ناممکن لگتا ہے نا ؟

لیکن نہیں!

تم میرا معجزہ ہو. یہ کوئی بھی نہیں بلکہ تم خود بھی نہیں سمجھ سکتے کہ تمہاری آنکھوں کی چمک سے میرا آسمان زمین پر اتر کر جگمگانے لگتا ہے. میری مسکراہٹ بنا میری اجازت کے  ہنسی اور ققہوں میں بدل جاتی ہے.  جانتے ہو بہت دیر تمہاری طرف دیکھ بھی نہیں سکتی......آتش گیر مادہ ہو تم!

میں جب جب تمہارے برابر میں چلتی ہوں تو سوچتی ہوں آخر دنیا میں اتنا ظلم کیوں؟ خون خرابہ کیوں؟ سب لوگ اپنا اپنا معجزہ کیوں نہیں ڈھونڈ لیتے؟

پھر سوچتی ہوں خدا تمہارے بعد شاید اتنا مہرباں ہوا ہی نہ ہو.

یہ جو گہری بھوری آنکھیں ہیں نا ......قسم لے لو بنا پلک جھپکے اک عمر گزار دوں.

چوکور سے چہرے پر باریک ہونٹ جب کچھ کہنے کہ لئے کھلتے ہیں تو لگتا ہے کسی نے بِاب فردوس کھول دیا ہو.

میرا قوی یقین ہے تم نے بھی خود کو کبھی آئینے میں یوں نہ دیکھا ہوگا جتنا میں نے تم کوبہانوں بہانوں سے دیکھا. میری دھڑکن حلق میں آجاتی ہے جب تمہاری نظر مجھ پرہوتی ہے.  

دل میں کوئی محبّت نہیں تمہارے لئے کیوںکہ عمومی طور پر اس جذبے میں امیدیں، وعدے، صدمے، اور افسوس ہوتا ہے. تم جنوں بھی نہیں کیوںکہ ہمارے مابین کوئی عشقیہ معاہدہ بھی نہیں. 

اتنے سالوں میں مجھے اس جذبے کہ لئے نام نہیں ملا لیکن یہ طے ہے کہ محبّت سے بڑھ کر اور عشق سے کچھ کم  جو بھی ہو...تم ہو.....لیکن تمہیں یہ جاننے کی ضرورت نہیں ہے. 

Continue Reading →

Never Ending Song of YOU - II

Ever got belly butterflies?

I do.

The ones that flutter right through my chest and make the blood rush through my cheeks. This fluttering is hard to hide because the glint in my eyes hint on the thousand stories that we have written together

I am not beautiful. 

It's your thought that does the magic.

I forget to blink when you open your symmetrical mouth to speak, and the curve that they call smile is actually a crescent on my heart.

When sun sets itself on your hands, they shine like fields of gold entangled in my fingers. I have spent hours watching you in your sleep with a gap between your lips. Those hours are so well spent that even sunshine takes time to reach us and wake you up.

I can spend my whole day in the scent that you left behind. That’s what makes me do waltz even when you aren't present because you are never gone.

Your ruffled hair set my heart on fire and everything else straight.

You are my all-time season of spring.

You are my never ending song of eternity.

by Bano B.

March 3rd, 2015

5:10 pm

Never Ending Song of You - I  can be read here

Continue Reading →

خنکی --- Khunki

مجھے سرد راتیں ہمیشہ  سے ہی پسند تھیں. ایک طویل عرصے تک میں نے ان میں سکون پایا، لیکن یکدم وقت پلٹا اور یہی سردی  کی گہری خاموشیاں عجیب کھسر پھسر میں بدل گیی ..........غور سے سننے پر معلوم پڑا کہ یہ تو گزرا وقت اور اس میں گزرے میں اور تم ہیں.

تم جو کبھی میری راتوں کی سرگوشی تھے، میری نیند کی نرمی تھے، جانے کب مجھے کھلی آنکھوں میں چھوڑ کر چلے گئے. 

یہ جو خنک ہوا نا؟  چلتے چلتے تمہارا ہر خیال مجھے سناتی ہے.....پھر ہنس کر کہ دیتی ہے کہ، 

"تمہارا وجود اس کے خیال میں ٹھنڈا ہے بالکل اس سرد رات کی طرح !"

بانو سازی

٢٢ دسمبر، ٢٠١٤ 

رات ١٢:١٠ بجے 

Roman Urdu Version:

Mujhe sird raatein humesha say hi pasand theen. Ek taveel arsay tak maine unn main sukoon paaya, lekin yakdum waqt pal'ta aur isi sirdi ki gehri khamoshi'yan ajeeb khhusar phhusar main badal gayi'n..............Ghaur say sun'ne per maloom par'ra keh yeh tau guzra waqt aur us main guzray main aur tum hain.

Tum jo kabhi meri raaton ki sir'goshi they, meri neend ki narmi they, janay kab mujhe khuli aankhon main chorr kar chalay gaye.

Yeh jo khu'nk hawa haina?

Chaltay chaltay tumhara har khayal mujhe sunati hai.....phir han's kar keh deti hai keh, "tumhara wujood uss kay khayal main than'da hai bilkul iss sird raat ki tarha"

Continue Reading →