بلا عنوان

فروری  کی یخ بستہ

ہواؤں میں

تمہاری یادوں کی شال 

میرا آپ گرم رکھتی ہے،

لیکن میں اپنا چہرہ

کھلا رکھ چھوڑتی ہوں،

سرد موسم میں کچھ خزاں 

جیسی یادیں ہیں، 

ان یادوں کا ایک 

اون کا گولہ بناتی ہوں.

اس کا ایک سرا تمھارے 

دل کے پاس سے ہوتا 

میرے شانوں پر سمٹے 

بالوں میں چھپ جاتا ہے.

ان دو سروں کے بیچ 

گرہیں کتنی لگ چکی ہیں،

بارہا کوشش کی 

میری انگلیوں نے 

تمہاری ہتھیلیوں پر 

انہیں سلجھانے کی،

لیکن ہر بار،

سرد موسم بیچ میں 

آجاتا ہے. 

تم جم جاتے ہو،

میں

بکھر 

جاتی ہوں. 

بانو سازی 

فروری ١٠، ٢٠١٥

رات ٢ بج کر ١ منٹ